ਡੀ. ਐਨ. ਏ. ਡੇਟਾ ਨਾਲ ਛੇੜਛਾੜ ਕਰਨ ਦੇ ਦੋਸ਼ ਵਿੱਚ 10 ਸਾਲ ਦੀ ਕੈਦ

ਸੈਕਰਾਮੈਂਟੋ, ਕੈਲੀਫ਼ੋਰਨੀਆ/ ਹੁਸਨ ਲੜੋਆ ਬੰਗਾ: ਕੋਲੋਰਾਡੋ ਦੇ ਸਾਬਕਾ ਅਪਰਾਧ ਵਿਸ਼ਲੇਸ਼ਕ ਨੂੰ ਡੀ. ਐਨ. ਏ. ਡੇਟਾ ਨਾਲ ਛੇੜਛਾੜ ਕਰਨ ਦੇ ਦੋਸ਼ ਵਿੱਚ 10 ਸਾਲ ਦੀ ਕੈਦ ਦੀ ਸਜ਼ਾ ਸੁਣਾਈ ਗਈ ਹੈ।   ਕੋਲੋਰਾਡੋ ਬਿਊਰੋ ਆਫ਼ ਇਨਵੈਸਟੀਗੇਸ਼ਨ ਦੀ ਸਾਬਕਾ ਫ਼ੋਰੈਂਸਿਕ ਵਿਸ਼ਲੇਸ਼ਕ ਯਵੋਨ  ਮਿਸਸੀ  ਵੁੱਡਸ   ਅਦਾਲਤ ਵਿਚ ਨਿੱਜੀ ਬਿਆਨ ਦੇਣ ਸਮੇਂ ਰੋ ਪਈ।  ਅਧਿਕਾਰੀਆਂ ਨੇ ਕਿਹਾ ਕਿ ਡੀ. ਐਨ. ਏ. ਡੇਟਾ ਨਾਲ ਛੇੜਛਾੜ ਨੇ ਸੈਂਕੜੇ ਅਪਰਾਧਿਕ ਮਾਮਲਿਆਂ ਦੀ ਵੈਧਤਾ ਬਾਰੇ ਸਵਾਲ ਖੜੇ ਕੀਤੇ ਹਨ।  ਵੁੱਡਸ ਨੇ ਜੂਨ ਵਿੱਚ ਝੂਠ ਬੋਲਣ, ਇੱਕ ਜਨਤਕ ਅਧਿਕਾਰੀ ਨੂੰ ਪ੍ਰਭਾਵਿਤ ਕਰਨ ਦੀ ਕੋਸ਼ਿਸ਼ ਕਰਨ, ਜਾਅਲਸਾਜ਼ੀ ਕਰਨ ਅਤੇ ਸਾਈਬਰ ਅਪਰਾਧ ਕਰਨ ਦੇ ਦੋਸ਼ ਮੰਨ ਲਏ ਸਨ।  ਉਸ ਨੂੰ ਕੋਲੋਰਾਡੋ ਦੇ ਗੋਲਡਨ ਵਿੱਚ ਸਟੇਟ ਜ਼ਿਲ੍ਹਾ ਜੱਜ ਐਂਡਰਿਊ ਪੋਲੈਂਡ ਨੇ ਸਜ਼ਾ ਸੁਣਾਈ।